20081031

PP, PSOE, IU

Outro día enterámonos da condena dun alcalde de IU por insultar a el Rei. Dada a magnitude dos insultos, sen presentar 'probas', non é estrana a condena, a pesares de que el di que continuará para probalo.
Posiblemente, igual que moitos outros, eu incluído, atoparase coa administración e o seu secretismo (ver o libro 'Cuando lo público no es público', por exemplificación dalgo coñecido por moitos, nomeado en "La administración y sus altos secretos', ó igual que o parágrafo seguinte): 'Si se consigue una Administración transparente se verá que "hay servicios que funcionan mal" y "funcionarios que a menudo se han apropiado de parcelas de poder que no les corresponden"'
Non é estrano tampouco o secretismo da administración. Os funcionarios en tempos de Franco estaban subordinados ós políticos e contratados por eles. Políticos que pasaban longo tempo nos andamios do poder nun ou outro cargo. Ó vir a democracia, os mesmos funcionarios atopáronse con políticos novatos, descoñecedores dos entresixos administrativos e viron que eles si controlaban a administración, e non os políticos, co que a dependencia pasou a ser a inversa, amoldándose os políticos a manter a raia ós cidadáns con axuda (mutua) dos funcionarios. Raro é o caso no que os políticos poñen a raia a funcionarios de certo nivel (sempre que saiban navegar entre augas, claro). E así os políticos actuais tenden a perpetuar o secretismo. Signo delo, só un máis, é a consigna de PP e PSOE de silenciar críticas ó libro da raiña, xusto na liña contraria do alcalde mencionado ó comezo.
E, do que pasa en Ribadeo, que? Pois eu estou esperando información, algunha dende hai varios anos, tendo que recorrer á xustiza nalgún caso por negación de información. Algo que parece ser que non se amañou aínda no concello. De feito, a pesares da sentencia, sigo esperando.

Nota de prensa de O Tesón


(Acompaño unha foto coas pedras postas esta mesma semana, agora xa retiradas.)
--
AVV O Tesón
Nota de prensa
En relación coa polémica mantida días pasados entre diferentes políticos locais sobbre o Parque de Indianos, e unha vez que parece que a polémica está calmada, a AVV O Tesón quere facer patente o seu disgusto pola propia polémica suscitada a partir do cambio de proxecto. Unha situación na que pouco contou a cidadanía e a súa opinión, plantexándose sempre o parque, dende o seu inicio ó seu final, como algo alleo ó pobo debido á falta de información pública sobre o tema, como se se tratara dos tempos do despotismo ilustrado.
Así, a incomprensión de detalles como que a fonte non leve gresite asemade pola parte interior (a que da ó parque), que xa apareza chea de follas nadando en auga de choiva, que se pase unha unha cuadrilla de operarios dirixidos por un técnico unha mañá colocando pedras nela para pola tarde sacalas, etc, quedan só como detalles de gusto ou disgusto ante algo alleo que non foi presentado ó pobo. Presentación que a parte de aportar ideas dos veciños, facilitando a súa colaboración e o ver o parque como algo de todos, posiblemente dera lugar a que se detectaran fallos no proxecto como os de medición, esgrimidos para facer uns cambios que tampouco se sabe ben en que consistiron.
Ribadeo, 30 de outubro de 2008.

Nova directiva de Amadores da Música (II)

Despois de deixar a entrada primeira sobre a nova directiva de Amadores, houbo cambios. Aquí vai a nova orde:
Leandro Sendín Fernández (Presidente)
Salvador Fernández (Vicepresidente)
Ismael Porto Barcielas (Secretario)
Mª Teresa González Piñeroa (Vicesecretaria)
Mª Griselda Ríos González (resp. vestiario)
José Ramón Fernández López (resp. instrumentos)
Mª Guadalupe Lindín Lanza (vocal)
Secundino Fernández Martínez (vocal)
José Exposito González (vocal)
Enrique González Amago (vocal)
Por que e demáis? Non o sei

20081030

Remato de recibilo



No boletín de cultura de Ribadeo, unha foto do porto de Rinlo (supónse que hoxe) e outra da cetárea de Meirengos:
"David Rivas Peña enviounos esta mañá imaxes de Rinlo, dun día en que o tempo debía estar máis ou menos coma hoxe na Mariña." (as fotos están subidas cun 23% de calidade sobre o jpg recibido, ou sexa, se non se ven tan ben é culpa miña)

É nova o polígono

Pero de xeito imprevisto: polas declaracións do alcalde de Castropol en contra da súa construcción. Coido que un alcalde deberia medirse un pouco máis en opinar sobre os progresos doutros concellos viciños, e comprender ademáis, que xa pasou o tempo do monocultivo. Unha cousa é a especialización e outra a dependencia bananera dun sector. A especialización pode dar ventaxas competitivas (iso din os economistas), pero a submisión a un único produto o que produce é unha dependencia del a menos que se sexa tan forte como para controlar a súa producción e comercialización, ou de xeito equivalente, a súa necesidade, o que evitentemente non é o caso: Ribadeo non é o equivalente da 'United Fruit Company', senón máis ben de 'Guatemala'.

Partipación na comisión de sanidade

Deixo a continuación a nota de prensa que da fin ó conflicto da comisión de participación cidadá en materia sanitaria na Mariña. Foi un acordo entre unhas cantas asociacións, tomado por elas mesmas como provisional, e pensando que no futuro deberá cambiar. Pero ahí está, e achegouse algo máis ós mariñás o control da xestión da sanidade na costa. Esperemos que sirva.

NOTA DE PRENSA CONXUNTA SOBRE A COMISIÓN DE PARTICIPACIÓN CIDADÁ EN MATERIA SANITARIA

Asinantes:
Asociación de Veciños “O Castro” de Foz
Asociación de Veciños de Forxán
Asociación de Veciños de Cangas
Asociación de Veciños “O Vencello” de Burela
Asociación de Veciños “O Tesón” de Ribadeo
Asociación de Veciños “Cruz da Venta” de San Cibrao

Con motivo da presentación das Comisións de Participación Cidadá en materia sanitaria que terá lugar o vindeiro venres 31 de outubro en Santiago de Compostela, as Asociacións de Veciños “O Castro” de Foz, de Forxán, de Cangas, “O Vencello” de Burela, “O Tesón” de Ribadeo e “Cruz da Venta” de San Cibrao queren facer pública a lista dos seus representantes para a área sanitaria Cervo-Burela:

A) Titulares:
1. Fátima Rodríguez Moreda
Asociación de Veciños “O Castro” – Foz

2. Manuel Rodríguez Maseda
Asociación de Veciños do Barrio de Forxán – Foz

3. Carlos Saa Fernández
Asociación de Veciños “O Vencello” – Burela

4. Francisco José Campos Dorado
Asociación de Veciños “O Tesón” – Ribadeo

B) Suplentes:
1. Marcelino Cao Pedreira
Asociación de Veciños San Pedro de Cangas – Foz

2. José Roda Vázquez
Asociación de Veciños “Cruz da Venta” – San Cibrao (Cervo)

3. Atilano Fernández Fernández
Asociación de Veciños “O Castro” – Foz

4. Teresa Pardo Correa
Asociación de Veciños “O Vencello” – Burela

20081029

Un par de cousas máis sobre Amadores

Comezo con algo alleo ó tema: por algunha estrana razón non podo meter fotos no blog, non me presenta algunha opción como a de etiquetado e podo facer ligazóns con dificultade ('á man'), o que me impide algunha cousa que quería facer hoxe.
Despois da referencia de onte a Amadores da Música, lembro que na asamblea non saiu algún tema candente: polo convenio co concello, os músicos teñen matrícula gratuíta na escola. Este ano non foi así, e o convenio non foi denunciado. Teño entendido que hai cousa de quince días houbo unha xuntanza sobre o tema co concello, pero non saiu a relocer en ningún momento. Non é a única cousa que non saiu.
Sobre o comentario final das asambleas, recollo o que din os estatutos (reformados para adaptalos á nova lei de asociacións este mesmo século) sobre o Presidente: "Os cargos que compoñen a Asamblea elixiranse pola Asamblea xeral entre tódalas candidaturas que se presenten, (...) tras un previo proceso no que se presentará cada unha delas e do seu programa de goberno pola persona que as encabece. En cada candidatura que se presente á Xunta Directiva, o número un da lista será o Presidente (...)"
Por certo, segundo a prensa, a presentación na seminci de Valladolid da peli musiqueada pola banda, 'Os mortos van á présa' (versión castelá: 'Los muertos van deprisa'), foi un éxito. Foi na Sección 'punto de encuentro', que se caracteriza por "Esta sección paralela a la Oficial que reúne films de ficción de especial relieve por su valía temática o estilística,también posee carácter competitivo aunque pueden exhibirse fuera de concurso copias restauradas de grandes películas de la historia del cine. A través de los votos del público, se concede un premio para el Mejor Largometraje y otro para el Mejor Cortometraje Extranjero, dotados con 15.000 y 5.000 €, respectivamente, que se otorgarán por votación popular para el productor del largo y el director del corto preferidos. Dentro de ‘Punto de Encuentro’, se proyecta también LA NOCHE DEL CORTO ESPAÑOL, donde cinco cortometrajes españoles compiten por su propio premio de 5.000 €, también otorgado por el público.".
Por certo, deixo o comentario da web da seminci:
"Irene, una camionera, llega a la pequeña villa marinera de Fariño del Mar con la intención de adquirir marisco. Su camión queda atascado en el interior del pueblo, entre un monumento surrealista y la puerta del cementerio, justo el día en que los fariñenses van a dar su último adiós a Cándido, viejo marinero y artista local del pueblo, además de padre de Filomeno, patrón mayor de la cofradía de mariscadores de Fariño. El acontecimiento impide celebrar las honras fúnebres mientras las viejas rencillas entre unos y otros se acentuarán enredando la, hasta entonces, tranquila vida del pueblo."

20081028

As asambleas de Amadores da Música (25/10/2008)


Asamblea xeral ordinaria de Amadores da música, 20:30, 25 outubro 2008
Nota previa: a ter en conta que esto non é unha acta oficial. Non se recollen todas as intervencións, senón máis ou menos unha síntese.
Asistencia, unhas 50 persoas.
1.Leitura e aprobación da acta anterior. Fíxose e deuse por aprobada
2.Estado de contas.
Salvo erro ou omisión, estes foron os números (ás veces, redondeados por mor de copiar á lectura):
Ingresos: cuotas 10 961; lotería 6 650, instrumentos 1 125 (recollida sobre préstamos), subvencións 14 700 (caixa Galicia 6 000, concello 4 507,59, Federación 300, xuventude 2 600, Sociedade filantrópico dramática, 1 200).
Gastos: 1 335,63 cuotas e varios (incluídos 458 de devolucións); 6 000 lotería; 3 265 financiamento instrumentos; 1 852 reparacións; 3 112 seguro federación, páxina web, tinta, sobres, donativo a Manuel María...; traxes 1 121; viaxes 4 363 (dietas 475 e ceas 2 075 incluídos); limpeza colexio 145, pirotecnia 475; internet, teléfono, correos 1 058; comisións 430. Total gastos 21 607,91€, cun superávit de 11 918€.
Fíxose un desglose para a peli e o campamento:
Gravación de música para a película: 2 150€ que foron aboados 600 por adiantado e o resto a posteriori.
Campamento musical: gastos 24 636,94; ingresos 16 357 + 1 500. Desfase: 5 761,64€, que se espera cubrir coas subvencións en trámite.
O resultado xeral do ano deixa en caixa (Caixa Galicia e B.Sabadell) 11 717€. Hai pendentes de recibir 1 500€ do concello, 3 000 da federación, 1 800 da deputación polo campamento 2007, 1 682 de política lingüística, 406 de Mapfre (por un tema de devolucións por cobro duplicado), e 661 de recibos, máis outros 72,12, o que faría un superavit total rondando os 20 000€.
Pregunto sobre o desglose de gastos do campamento e contéstaseme:
Gráficas, 1 629; pancarta 452, persoal 8 900; seguridade social, 2 770,03; Mapfre 403,94; asesoría 668,51, comida (diversas partidas) 455+317,16+1 817,23+1 427+1 370+357,88+519,74+975; deterxente 652; Altruán (paseo en piragua) 440; 976 limpeza; 472 billarda, balóns, etc.
3.Informe de actividades.
Foi longo, pois Amadores soporta actividades variadas. Collo puntos soltos:
Comeza Daniel, actual presidente. A banda ten dependencia de músicos de fóra, reforzos, tendo que suspender algunha actuación (ou non collela) por falta de xente. Queda pendente a visita a Mirandela por falta de músicos.
O concerto das letras déuse no IES Gamallo Fierros por estar ocupado con actuación de teatro do concello esa data.
Ó festival viñeron a banda de Mieres e a de Sober.
Fóise a Matamá, San Tirso (en correspondencia polo apoio ó campamento), en San Roque só se tocaron dúas pezas polo mal tempo, pola Federación de bandas fóise a Baamonde, tendo que voltar porque había músicos que tiñan que actuar con Tirri Tarra.
Os de 'Os mortos van ás présas' parece ser que quedaron encantados da actuación da banda.
Pregunto por sobre cánta xente había de fóra no campamento (para ver en perspectiva o déficit), contestándoseme que sobre a metade. Pola web, indicando que se sinalaron perto de 500€ de gastos e non se veu movemento, contestando que quizáis non fora adecuada a persoa que está levando o tema.
Deixo unha queixa para que conste en acta por facer unha viaxe (a de Matamá) de 5 da tarde a 5 da mañá, e dúas á Coruña saíndo ó mencer e voltando á noite, cando ademáis tiñan pago o hotel e o grupo de clarintes tivo que afinar 'dirixidos' por M. Luz, a concelleira de Cultura, voltandoo último día sen asistira a unha recepción que ó parecer había prevista. Daniel di que cree que só voltaron ás 3 e non ás 5 (negado por outros asistentes) e que nonhabía recepción ó final na gravación da película, entre outras cousas. A raíz dos comentarios do presidente a estes últimos temas, interviu Luis da portuguesa preguntándolle a Daniel se unha frase que dixera quería dicir que o deixaba ou non.
Óscar (frauta) pregunta sobre as axudas para locomoción, en base a que se deron ós apoios e non se están a dar para vir ós ensaios. De aí pásase a que non se da nada ós músicos, apuntando que non se fai porque non se quere facer. A contestación xustifica en parte porque non é o mesmo unha necesidade de apoio que unha axuda corrente, e non hai saídas por contrata, todas son por convenio.
Intervén a continuación Lourenço, director da banda.
Enfatiza o compromiso dos músicos coa banda, apuntando que é necesario por exemplo para ter sempre dispoñible unha variedade de obras. Necesidade da comunicación entre grupos (pais, directiva, músicos, ...) esperemos que mellore. Necesítase cambios para evitar actividades con interese pero sen sentido; evitar tocar 15 minutos e para iso ter 10 horas de autobús.
Sobre o campamento, é necesario cambiar a forma e retomar o proxecto inicial, porque está a fallar en moitos aspectos: este ano tivo moitos fallos.
É a primeira banda en España que grava a banda sonora dunha película, e menos banda de afeizoados. A peli será presentada (mañá – 26/10/2008) en Valladolid.
Hai que fomentar a canteira. En Sta. Cecilia sairán 21-23 novos músicos. Houbo falta de traballo, pero a banda deixou boa imaxe musical por onde foi pasando.
Os cambios incluirán o apoio do persoal da EMM á nova directiva, ver mellor as condicións dos contratos, considera que se debe de dar algo de gratificación para dar algo a cambio do traballo e o compromiso; algo, pero non preguntando (houbo varios sistemas de pago que nn deron resultado, como especificou Daniel).
Novos proxectos: plantilla estable, cursillos, I festival de bandas infantís (devolución de viaxes da banda), intercambio con Esproarte, invitacións mesmo de Inglaterra para intercambio...
4.Rogos e preguntas
Un asistente di que hai que fomentar a música galega, que 'a Hernán Naval non lle gustaba' (e puxo unha serie de exemplos de obras, que coincidiu que todos foron tocados estando eu na banda baixo a dirección de Hernán). A resposta, que comezou Lourenço preguntando por onde se procuraban as partituras, derivou nunhas cantas intervencións, comezando por Luis da portuguesa, que especificou que si lle gustaba, e que escollían os rapaces a música, continuando por min coa precisión de que as obras tocáranse, por Marcos Rodríguez indicando que se lle dera o 2º CD da banda, etc, incluída Aurora Rodil dicindo que é o director quen ten que decidir o que se toca.
Pasouse logo á asamblea extraordinaria para elección de nova directiva, un tanto caótica, no que despois de dicir Daniel que non había candidaturas, Salvador apuntou que había unha, que remataría saíndo, insistindo Farruco Graña en que se votara e alegando M. Luz que ela, polo seu posto, abstíñase, quedando como única abstención. Polo medio, saiu se Ismael Porto era ou non socio, resultando que tiña pagada a cuota pero non aparecía na lista de socios, o que se deixou correr por Daniel. Saíu tamén a relocer o art. 8º dos estatutos. Asemade, e ante o barullo, ó preguntar (ó ter finalizada a asamblea) á cabeza de lista supoñendo que era a presidenta, confirmouno, pero parece ser que houbo unha xuntanza posterior e que non é así

Hoxe é nova



Hoxe é nova o desplome que advertín eu antonte á Policía Local. Claro que, unha vez alí os equipos técnicos, advertiron que a cousa era máis grave: estaba afectada a traseira da última vivenda de Antonio Otero, onde vivía unha persoa de 60 anos, á que afortunadamente non lle pasou nada. Din os veciños que oíron ruído sobre as tres da madrugada do domingo (non especifica se da 'hora vella' ou da 'hora nova').
As outras novas de hoxe en Ribadeo tamén está xa en "Notas de prensa do concello de Ribadeo", os case 1 000 millóns das antigas pesetas para o polígono industrial, que a paso de caracol, pero parece que esta vez vai chegando, e a concesión da Q de calidade a praias ribadenses.
As dúas fotos, do descuido xa actual do antigo 'Xardín de sela', xa actual (aínda que non inaugurado) Parque de indianos: As malas herbas medran entre a herba e o estanque volta a estar cheo da choiva e con follas polo medio.

20081027

Matapiollos: Bush e Zapatero

Despois deste últimos días de 'política internacional económica', síntome perpelxo co tema. Dende hai moito tempo a política déixame así, pero parece que hai momentos nos que ese 'así' é maior.
Resulta que, para arbitrar unha política económica mundial, en Europa lánzase a idea de reunirse moitos países para deseñar as liñas. É dicir, a ONU... pero non a ONU, que serian moitos, senón unha mini ONU, pero máis que o G8.
Como non é a ONU, e é necesario un liderazgo, toman o mando os EUA, e é entón cando xurde a idea de que ese cúmio terá como obxectivo 'refundar o capitalismo', obxectivo recollido por Bush, pero que non saíu direitamente dos norteamericanos.
É dicir, non se trata de reformar, senón de voltar máis forte un sistema que saíu vencedor da guerra fría para amosar pouco despois todas as súas carencias. O caso é que a novena economía do mundo (máis ou menos, segundo os parámetros usados) non é chamada á xuntaza, e parece ser cuestión de vendetta entre os principais mandatarios convocante, os EUA, e do país en cuestión, España a raíz da retirada de apoio en Iraq, cando o pobo español opinou de xeito moi maioritario que non pintábamos nada bo en Iraq.
E, mentras, comeza unha xira o Presidente español polo mundo enteiro, entre países que contan económicamente, para lograr entrar nese grupo privilexiado co aval de que o sistema bancario español está en boas condicións debido ás manobras estabilizadoras legais que implantou hai uns quince anos a raíz dos movementos do Banco de España. En troques, temos que o ladrillo non foi 'estabilizado' pola conseguinte lexislación, e está cada vez máis de capa caída arrastrando a outros sectores económicos e facendo que a depresión para a xente en España sexa de tanta intensidade como nos países punteiros nela (quitemos os 'máis punteiros' como Islandia...). Pero o caso é que o sitio sería máis ben para o Presidente, e non para quenes puxeron esas pedras angulares, segundo parece, para a economía española. A nivel nacional, non embargantes, os bancos piden apoio para non quedar discriminados fronte ós bancos estranxeiros, a pesares de deixar ben claro que non o necesitan, e por outra banda, as axudas estatais para pisos habilítanse para rendas máis altas, sabendo que esas axudas irán beneficiar ó peto da xente que propiciou a crise do ladrillo... ou non é asi?
Logo, podemos atoparnos anuncios como un de onte pagado por unha cadea de emisoras de radio; 'segundo unha lei de Denver, é ilegal prestar a aspiradora ó veciño', é a frase do tirón para presentar uns EUA descoñecidos (cousa que viría a solventar a cadearadiofónica) mentras aquí se pretende que sexan ilegais cousas como prestar un libro (sen pagar un canon, claro...) e pouca xente levantou a voz cando se impuxo o canon ás bibliotecas, ou ós materiais de memoria dixital para conservar cousas de xente que nunca recibirá o importe dese canon, ou moitas outras cousas máis que irán deixando sentir os seus efectos pouco a pouco.
Ó mellor é que teño variación na percepción polo cambio de horario...

20081026

De domingo vai a cousa


Finaliza o fin de semana. Despois de dar nota da nova directiva de Amadores, unhas fotos para variedades. Unha, o pantallazo que da conta dunha carta dun ribadense no El País de hoxe queixándose do servizo de correos, en España, pero tocando tamén a Ribadeo. Non o coñezo, e non sei siquiera se é ribadense dende hai moito tempo ou non.


Dúas das fotos pertencen ó derrumbe que houbo esta noite na rúa da muralla, no seu extermo de abaixo, fronte á fábrica de xeo. A casa que fai esquina a Antonio Otero está abandoada e caéndose, o que coido que motivou o derrumbe.
A outra pertence ás obras de Viejo Pancho, que colo antes que outras da mesma obra para ver un efecto da 'Saturday night fever' en Ribadeo. A dicir que esta mañá contei nos traballos vinteún vasos de vidro, algún roto (e xa vin xente recollendo algún), a parte doutros de plástico, botellas, etc.

20081025

Amadores

Hoxe tivo lugar a Asamblea xeal ordinaria e extraordinaria de elección de directiva de Amadores da Música. Como a entrada será longa, comezo cun aperitivo dando sinxelamente os nomes da nova diretiva; noutro momento xa sacarei a crónica de ambas asambleas.
Mª Guadalupe Lindín Lanza (Presidente)
Mª Cecilia Barcia Villarino
Mª Griselda Ríos González
Leandro Sendín Fernández
Mª Teresa González Piñeroa
Secundino Fernández Martínez
José Exposito González
Enrique González Amago
José Ramón Fernández López
Ismael Porto Barcielas
e continúa Salvador Fernández Fernández.
Nota posterior: Nova directiva de Amadores da Música (II)

20081024

Capela da Virxe do Camiño






Dia tras día pasando diante dela fai que se mire. E non gusta o que se ve. O desuso únese ó descuido, e a eles, o abandono. Unha ventana aberta permitiu a foto do interior. O exterior só ten cuidado dende a derradeira vez de amaños o cartel que nonconcorda moito co estilo da capela. e agora, o xardín de Sela convertido en Parque de Indianos na súa dianteira. Onte mesmo comentaba que a súa presenza debeu servir para que se conservase o xardín de Sela e se ampliara o ancho da rúa naquela zona, permitindo hoxe unha 'zona verde' que habería caído se a capela non tivera a disposición estratéxica que ten, de espaldas ó pobo, coa entrada polo oeste.

Mañá, sábado

Despois de deixar dúas novas notas de prensa do concello, sobre o parque de indianos e a recuperación das cetáreas de Rinlo (audio incluído), unha pequena entrada para lembrar un feito importante para a comunidade ribadense, incluída a parte no exilio: Mañá celébrase a asamblea anual de Amadores, e a extraordinaria despois dela, esta última para a elección de nova directiva. Despois destes último sdías, parece que si haberá nova proposta de diretiva, non voltando a presentarse varios cargos da diretiva anterior, incluído o presidente, Daniel Rodríguez. Veremos mañá como se desenvolven as asambleas, despois da forte contestación dalgunhas decisións tomadas pola diretiva saínte.

Cogomelos


Andamos na época. Martes, polo mal tempo, non poideron saír os alumnos do IES Porta da auga recollelos para logo montar a exposición. Outro día será. Mentras, na mesma horta pensada para acoller ó 'patio de recreo' do xeriátrico público ribadense, en Ove, un par de días antes habíaas a mansalva, só dun par de tipos, pero grandes, grandes. De feito pensei que conservalas sería alicerce para os residentes maiores poder recoller algunha, sen gran esforzo. Costará moito mantelas?
A resposta é que seguro que moito menos que o ascensor panorámico, que hoxe nos dá ós opositores un pequeno gusto: a obra está paralizada para facer estudos e, no seu caso, reformala. Mágoa que eses estudos sexan para ver se a obra principal, a baixada do ascensor, se pode facer máis pegada ó talud (e polo tanto, posiblemente máis fea, despois dos 'eloxios' de Patrimonio e o premio de arquitectura dos que da conta a prensa e eu non me enterei no seu momento). O caso é que pode pararse por eso, e non para facer un estudo orzamentario de mantemento. Será o equivalente ó 'Parque de indianos', para deixar máis descontenta a xente? Bo, polo menos neste caso o proxecto é coñecido dende hai tempo.
Respecto dos eloxios, procurando en internet, atopeinos (e, a verdade, non me parecen tanto eloxio senón máis benunha xustificación política): "O deseño da torre non presenta inconvintes desde o punto de vista formal ou arquitectónico para a necesaria protección e conservación da imaxe do conxunto histórico declarado e resulta compatible e coherente cos seus valores culturais", e "A apertura e posta en valor deste itinerario favorece a conservación do conxunto histórico sentando unhas novas bases para a dinamización urbana, social, turística e cultural dunha zona do conxunto histórico que está sendo abandonada e por mor desta situación ve como o seu patrimonio arquitectónico e compoñente social deteriórase".
Hoxe terá lugar unha conferencia de Xoán Ramón Fernańdez Pacios no Museo do Mar de S. Cibrao que tratará de "Os corsarios na costa de Lugo. Séculos XVII-XIX". A promoción destaca que en Ribadeo tamén houbo barcos corsarios. Reseño algunha parte da entrevista: "Un de Ribadeo que tivo máis ben pouca sorte o home é o que se chama López Sampedro, un comerciante de 1798 ribadense que comercia con liño e cáñamo e arma un barco a corso chamado La casualidad. Tiña 50 canóns. Na segunda saída ao mar atrápao a fragata inglesa Endymion e foi vendido. Ao final de todo na charla falarei do apresamento en 1808 dun barco corsario en Ribadeo que mediante enganos o meten no porto e apresan á tripulación sen botar tiro algún." "O ano 1762 tamén é outro pico, porque volvemos a estar en guerra, temos presenza de barcos corsarios vizcaínos en Ribadeo Los dos Amigos, de alcumes El Gran Patricio e El Rayo de Júpiter." "Naqueles séculos hai comerciantes ribadenses que arman barcos a corso. Juan Francisco Cenzano chegou sen nada dende Logroño con 23 anos, se casa cunha viúva rica, se casou ata tres veces, aproveita os cartos das mulleres e monta o barco que se chama Nuestra Señora de la Portería y Ánimas alias La Barquilla, con base en Ribadeo. Atraca un barco holandés preto de Cariño. O que lles pasa aos mariñeiros corsarios é que as mercancías quedan nos almacéns dos armadores, que tardan en vendelas e os bos dos mariñeiros corsarios teñen que mercar comida e roupa e as mercan nos almacéns dos mesmos armadores. Despois de seis meses sen vender, acaban marchándose." " morte de Bautista Durham, corsario que morreu en Ribadeo en 1762".
E, en Ribadeo onte houbo unha charla para a muller, na Casa do mar, quizáis a máis numerosa das relativas ós foros da muller das que ten habido no casco urbano.
Aproveito o mesmo periódico de hoxe para ter algunha cifra das inversións da Dirección General de Sostenibilidad de la Costa y del Mar (Ministerio de Medio Ambiente) o próximo ano: O ascensor da Atalaia recibirá 1.059.101 euros, que se sumarán ó 400.000 deste; 874.107 serán, dos 3,2 millones do total previsto, para recuperar a enseada da Vilavella, construir a senda peonil ás Aceas e a rehabilitación dos muíños de marea e de regato; e 21.000 euros para os sondeos arqueolóxicos nas Grobas.
E, como os cogomelos, saíndo da terra para en pouco tempo morrer e deixar pouco rastro, son as previsións con que o Concello de Barreiros se dotou para determinadas aportacións dos construtores para saneamento: desapareceron e non se van reclamar polo momento os avales, co que o previsto desfase futuro que estaba anunciado en Barreiros entre servicios e poboación xa é visible.
Bo (e frío, agora por baixo dos oito graos) venres.

20081023

Amencendo





Nunha crise económica como a que se nos aviciña, (ver, por exemplo, algunha nova de hoxe)pode que non sexa tan mala cousa mirar ó pasado para aprender e procurar ideas. Fáise a nivel internacional, rebuscando na crise do 29, (por certo, o 24 de outubro foi o día de referencia, de comezo da baixada que daría lugar o día 29 ó 'crac' da bolsa de Nova Iorque) e pode que tamén fora bo que se fixera a nivel local. Tal vez nos atopáramos con xeitos de facer en tempos nos que a facenda local non dispoñía dos recursos que ten nestes días a pesares do estado de contas actual de moitas delas (é certo, e non se pode esquecer, que os servizos asignados -cumpridos ou non-, tamén son máis numerosos agora), e tamén con actitudes dos veciños que podían ser máis propicias ó entendemento ou a colaboración.
As fotos que acompañan (Unha vidrieira da parte oeste do mercado de abastos, adicatoria a Ramón González da praza de abastos de Ribadeo, fachada norte e plano de distribución de postos) poden servir para lembrar un tempo no que o capital empregábase nestas terras para facer o ben ós veciños, axudando ó tempo que competindo cos poderes públicos e o seu escaso orzamento (pode que non sexa boa idea meterse en temas anexos como as diferencias de capital daquel entón... ou si). O edicifio ten unha placa que lembra ó benefactor, e foi reparado en diversas ocasións xa sen benefactor presente a cargo da facenda local ou de axudas públicas, como no caso das vidrieiras, aínda recentes. Pero a súa función e vista xeral son como na súa construcción; tentouse facer máis aproveitable (e máis rendible para a xente que o usa) con pequenos cambios, incluído o cartel de metacrilato que indica a distribución de postos no interior, e que manifesta que xa pasou no seu uso por tempos mellores: hoxe o cartel / pano de distrubición presenta ocos que indican outro xeito de discorrer a vida de Ribadeo, máis alonxada do mercado e máis próxima ó super-mercado ou hiper-mercado, máis alonxada pois do propio viciño en favor de relacións máis difusas con entidades de base lonxana. Os tempos cambian, pero se lles botamos unha ollada e temos presentes os cambios, ó mellor podemos comandalos en troques de vernos abocados a un cambio imposto dende fóra: do pasado á estratexia de futuro...
Cambiando de tema, hoxe dous alumno sdo IES Porta da Auga van á Coruña para, hoxe e mañá, facer de xurado dunha mostra de cine científico. Xa veremos que contan da experiencia ó voltar.

20081022

Pouco a pouco

Pouco a pouco vai mellorando a técnica. Remato de engadir o primeiro mp3 no blog de notas de prensa do concello de Ribadeo. Co tempo, espero que chegue a xeralizarse a cousa.

Inflacción de novas





Hoxe descubro na prensa unha auténtica inflación de novas sobre Ribadeo. Dende o pleno ó camión que onte montaba unha grúa na rúa peonil (coido que sen as alfombras que estaban afeitos a poñer), pasando pola visita do Porta da Auga a Francia (xa pasada), as novidades/actos do servizo de prevención de drogodependencias, o aumento persoal do CEIP Gregorio Sanz, un roubo no restaurante 'La Solana', a posibilidade de cortes de auga por un subministro deficiente (avisado polo propio alcalde, é de supoñer que ó longo do día haxa algunha nota de prensa), as voltas sobre a falta de xulgado en Ribadeo, ou o recurso contra Patrimonio por impedir o aparcamento subterráneo no parque, ademáis de lembrar un periodista que algo vai mal cando unha Consellería non cumpre as propias normas que ela mesmo pon. A mesma Consellería (Educación) coido que non é a primeira vez que incumpre normas, e é algo abondo xeralizado na administración (mesmo o incumprimento de leis: ver, por exemplo, 'Cando a lei non se cumpre').
O certo é que, cando hai moitas novas, ás veces parece como se non houbera ningunha. Por eso, e despois das dúas entradas de onte en relación co pleno de antonte (I e II), hoxe deixo en troques fotos.
As fotos corresponden a 'había unha farola' na rúa San Francisco, 'había información' , na rúa Reinante, 'había un solar', no cruce entre Avenida de Asturias e rúa do Alza, e ás obras de Viejo Pancho para 'humanizala'.

20081021

Pleno 20/10/2008 (II)

O terceiro punto da orde do día do pleno de onte era a representación do Concello no grupo de desenvolvemento comarcal de A Mariña. A proposta do grupo de goberno, a solicitude de seren Fernando e M. Luz. Certamente, parecía ó comezo que foran dous representantes en troques de un e suplente para unha entidade con 49% de representación institucional e 51% de representación privada.
Houbo un pequeno barullo pola proposta de UPRi de inclusión da oposición no par, argumentando o secretario que xa non era posible, ó ter que ser argumentado por escrito antes do pleno ou ó comezo do mesmo punto, facendo asemade diferenciación entre o que é un voto particular e unha enmenda. Resulta que o propoñente si ten dereito a modificar a proposta sobre a marcha, o que daría cabida a englobar a oposición no dúo, pero a instancias sempre do BNG. O mesmo Fernando falou de que hai precedentes de que foran representantes de varios partidos noutras ocasión para outros asuntos, pero mantivo a proposta, que saliu rexeitada por 4 contra 9, polo que voltarase a tratar máis adiante ó non quedar nomeados os representantes.
O punto 4 trataba da aprobación dun convenio coa Consellería de Medio Ambiente para o saneamento de Piñeira, 190 000€, disposición de terreos e auga, concesión de permisos administrativos sen custes e asunción do mantemento. Houbo unanimidade na aprobación, cunha nota previa de intervención no sentido en que, a pesares de ser xeito da Xunta o pedir a exención de custes de licenzas, é algo que está lexislado, e polo tanto non ten sentido que o pida: o é dado pola lei ou non.
En fin, un pleno algo movido no que o alcalde tivo varias expresións afortunadamente graciosas, non chegando a tensión a ser grave en ningún momento, se ben particularmente pareceume observar en Balbino o cambio entre castelán/galego nun momento dado como síntoma de nerviosismo.
Respecto da petición de Balbino, como dixo case ó comezo Paco Rivas, rematará case seguro no xulgado, e como engadiu logo con outras verbas JC Andina, a postura do Concello coido que pode defenderse con facilidade, pero tampouco sería estrano outro resultado. E, respecto de que polo momento non haxa representación no grupo comarcal, trátase da ocupación dunha suplencia, non dunha titularidade, polo que a pesares da negativa da oposición e bloque subseguinte, o tema non ten grande importancia.
-- Nota posterior ó día seguinte: JM Rodríguez deixou unha entrada dando tamén a súa visión deste pleno.

Pleno 20/10/2008

Comezou ás oito do serán e finalizou ás nove menos dez, con ausencia do nº 3 socialista.
O primeiro ponto, propio trámite de urxencia, pasou sen importancia.
O segundo, a proposta de non admisión a trámite da petición de Balbino para cobranza do soldo segundo el retirado inxustamente a finais do mandato anterior, nun pleno.
Un informe de secretaría apunta a que "o acordo foi válido mentras non se demostre o contrario", mentras se fai lembranza do apoio dun tránsfuga á moción da oposición daquél entón.
UPRi (Rivas) atopa contradictoria a postura do BNG e anuncia abstención, indicando que pouco lle concerne ó non estar no pleno no que se tratou.
PSOE (Balbino), só con dous asistentes, alega entre outras cousas, pero de xeito principal, que o pleno no que se decidiu foi nulo, xa que o punto non estaba na orde do día.
PP (Andina): apoio da proposta da alcaldía, preguntando a Balbino o por que non voltou a traballar, e dicindo que o pleno, caso de ter sido ilegal, sería culpa do anterior alcalde, o reclamante, advertindo que xa pasaron 15 meses e que non houbo advertencia clara de ilegalidade (... aconsello ver o comentario do pleno)
BNG (Vicente): Fernando reincorporouse ó traballo. A postura do BNG non é contraria ó votado daquela, simplesmente non quere admitir a trámite a proposta de Balbino.
PSOE: (medio en castelán, medio en galego) Hai causas de por que non se trouxo antes a pleno (pero non as deu)
PP: O acordo segui adiante, esa é a realidade xurídica.
Logo houbo un intercambio entre Fernando e Balbino, comezando a conta das causas de que non fora a pleno antes. A petición de Fernando, Balbino di o por que: Fernando non tiña intención de propor recurso. Balbino apunta que Fernando estaba na administración, pero el na empresa privada recibeu a contestación de que lle retiraran o soldo, non a adicación exclusiva. Pide votación nominal. Aclara o secretario que a votación nominal debe votarse previamente de xeito normal, por procedemento ordinario. Despois dun pequeno paréntese, incluíndo unha consultga de Andina ó secretario sobre responsabilidade xurídica diferenciada neste caso, coa contestación de que o sistema é irrelevante neste senso, acórdase votar así (non se ten lembranza doutra situación anterior semellante).
A votación, Proposta de non admitir a trámite: si, 8. non, 2. abst, 2. 1 ausente. Queda pois aprobada a moción proposta.
Queda unha segunda parte do pleno para outro momento do día de hoxe.

20081020

O mundo segue

Lévome sorprendido moito de como -e por que- caeu o 'telón de aceiro". De cando en vez atopo algunha pista máis, aínda que siga incrédulo.
Esta fin de semana atopei nun artigo de Santos Juliá unha cita de Marx (Karl), no 'Manifesto do Partido Comunista': "O goberno do estado moderno non é máis que o comité de administración dos negocios comúns a toda a clase burguesa". O caso é que a cita, coido que relativamente válida, na actualidade semella que xa está un tano pasado de moda, xa que o goberno, tendo sido o comité de administración, hoxe máis ben queda reducido a un refén para casos de emerxencia. Aquelo de 'conseguidos os últimos obxectivos, a guerra rematou' ... e queda o exército por se hai que atender a algunha sublevación.
Maruja Torres da pé a unha cita de Ralph Nader: "¿Por que sobrevive o capitalismo? (...) Porque sempre se usa o socialismo para salvalo". Sería moi de aplicación na actual España 'socialista', o mesmo que noutros países que decidiron socializar as perdas sen antes ter socializado as ganancias.
O mesmo periódico que abrangue ambas citas onte comenza hoxe luns a súa edición electrónica con novas ilustrativas sobre o caso, aínda que non sexan de economía: 'A fiscalía cre que a represión franquista é un delito común prescrito'. Coido que a Fiscalía é algo así como o brazo xudicial do goberno. 'Non hai retirada de fondos porque coñecen a nosa solvencia'. Si, despois de 'aceptar' a mesma entidade unha inxección de 10 000 000 000 € do erario público... 'Londres e Berlin presiona a España sobre a lei de costas'. ... Ó tempo que recoñecen facer grupo para defender a propiedade privada dos seus cidadáns en contra dos intereses públicos en España.
Certamente, os periódicos, que van de capa caída nas súas informacións, abranguen nas súas páxinas moitas perlas que están aí, para collelas, pero eso si, despois de facer minería para atopalas.
E, certamente, cambiar o mundo a mellor pode que nunca estivera tan difícil (ou tan imposible), polo que é hora de comezar a (ou non parar de) intentalo. Algo que parece ademáis apoiado científicamente: cando aumentan as desigualdades, toma pulo o movemento subterráneo que tenta reducilas, ó igual que na física ou na química un movemento nun sistema sempre tenta ser equilibrado polo propio sistema. De sistemas (non físicos) pódese falar outro día.

20081019

Un artigo alleo

Vexo hoxe no blog de Jorge Cortell varios artigos que me gustan sobnre política, ideas e sociedade. Deixo só unha ligazón, que fala no mesmo sentido que teño feito eu en moitas ocasións.

Asimetría

Vexo a nova de que o Concello de Castropol foi multado por Medio Ambiente con 600 € polos verquidos en Penarronda, procedentes do Polígono Industrial de Barres. Algo que xa saíu no blog con anterioridade e que fixeron ver os 'Amigos del concejo de Castropol', que tamén teñen alertado das deficiencias dos verquidos á ría de Ribadeo tanto de Castropol como da Veiga. Pregúntome cánto sería multa se en troques dunha institución, quen o fixera fora un particular.
En Asturias valoran positivamente en termos de vidas humanas o 'búho' entre Puerto de Vega e Ribadeo. Non dan detalles de uso. Coido que se lles esquece facer unha valoración sobre a incidencia a curto, medio e longo prazo das costumbres que implica o uso do búho, e que debera ser feita. De calquera xeito, parece que os búho si comezan a funcionar, forzada a xente pola diferenza de custe dos traslados entre transporte colectivo e individual, a parte da vixiancia da Guardia civil co alcoholímetro. E a promoción do transporte colectivo polo día, para cándo queda?
Onte a nova na prensa local e provincial foi a limpeza con que José Carlos Rodriguez Andina saíu do embrollo xudicial no que o metera o fiscal Izaguirre. Para aledarse non só el, senón todos, tanto porque todos contribuímos ó orzamento provincial como porque todos contribuímos á composición da Deputación e sufrimos ou desfrutamos das súas accións e decisións. O malo que teñen os procesos deste tipo (e de case calquera) é que sempre queda a sombra da dúbida, nun sentido ou noutro. Por exemplo, foi unha manobra política o metelo no caso? Ou, pola contra, o que non se logrou foi demostrar os feitos, non que non os houbera? E é que cos xulgados (e falo por experiencia propia aínda que valería coas novas que de cando en vez aparecen na prensa sobre algunhas decisións xudiciais), e cos seus xuízos, pode verse aquelo de 'os camiños da xustiza son inescrutables...'

20081018

Actividade




Estes tempos desenvólvense varias actividades interesantes para diversos colectivos na zona. Aí están os 'foros permanentes para a muller' desenvoltados polo concello, entre outras actividades como as clases para inmigrantes, e as xornadas mar por meido que comezaron onte e terán lugar ata o domingo (ver folleto). Dentro das xornadas, onte tivo lugar a inuguración da exposición 'Galiñas, Miserias e cabezudos', así como a mesa sobre 'Cooperación cultural institucional'. Hoxe será a proposta dunha ponte informativa por riba da frotneira e cultura de mecenazgo entre Galicia e Portugal, continuando pola tarde coa presentación de proxectos culturais e de espazos de programación, para rematar o día no Hernán Naval co concerto de 'Alô irmao'.
E, no Pazo de Pardo de cela, a comezos do próximo mes, as Xornadas de Patrimonio tradicional da Mariña Central (que se ven ben ampliando as imaxes)

20081017

Comisión de goberno



Teño noticia da comisión de goberno de hoxe porque segundo parece váise tratar entre outras cousas a que coido é rocambolesca reclamación de soldo de Balbino Pérez plantexada hai uns meses, case 13 000 € por 53 días que lle quitaron o soldo de alcalde. Mágoa que trascenda públicamente na prensa ese tema e non os outros a tratar.
A nivel estatal contrasta a nova da primeira causa aberta contra o franquismo, cando en Ribadeo aínda están sen recoñecer nomes senlleiros en Ribadeo como Antonio Fernández Darriba ou Rafael Fernández Cardoso, o primeiro chegado a Ribadeo tras ser represaliado da Universidade de Madrid e o segundo rematando os seus días fuxido en América, ambos citados por estudosos ribadenses, ambos de recoñecida valía e ambos ignorados ata o momento en recoñecemento institucional.
Pode que a falta de recoñecemento nun caso, e as pretensións legais noutro, esteñan relacionadas coa educación. A educación en España ten ramalazos que coido se poden cualificar de raros, dende o primar a 'cultura' e ó tempo baixar o presuposto educativo (aí está a Comunidade madrileña facendo unha quita do 30% nos cartos destinados a profesores universitarios sen previo aviso mentras gasta millóns en actuacións 'culturais' 'empresaraiais' do canal de Isabel II) ata zafarse da aplicación unha materia via a súa impartición en inglés sabendo que non hai profesorado para ela (entre outras cousas, o feito na Comunidade Valenciana este mesmo curso con Educación para a Cidadanía). E podemos continuar. En Ribadeo mesmo, está costando traballo a coordinación de actividades extraescolares coas programadas nos centros, nunha especie de desconcerto educativo que se produce ano tras ano, por moito que unhas e outras sexan actividades educativas e a potencia organizativa e presupuestaria do concello minimice a posibilidade das ANPA.
As fotos, fonte e xardín de indianos. A considerar sobre a súa beleza, oportunidade, axuste a normas ou planos previos, ... A fontes estaba en proba, con auga, e na foto do xardín pode verse o efecto desastroso de presentar a fonte cara a fóra do xardín e, vía supresión de setos, facer que os coches literalmente 'entren' no mesmo parque.

20081016

De burlas e burlados

Coido que hoxe serei breve. Dous artigos, un de Almudena Grandes, "Cultura" e outro, unha noticia abondo máis achegada, sobre a permisividade e compangueo municipais, explícanse por si sós, aínda que se poidera seguir moito máis.

20081015

Money, money, money, ...


Un dos puntos álxidos da película Cabaret. O primeiro que se me veu á cabeza despois da xuntanza desta fin de semana nos EUA dos xefes de estado dos países industrializados. Por fin se poñen de acordo, e todo o mundo regocixado porque van gastar máis cartos para solucionar unha crise sacándolle as castañas do lume á xente que nos meteu nela. Iso si, de xeito coordfinado. Máis ou menos, para a xente de a pé, a solución era ou máis crise (por unha beira) ou máis crise aínda (por outra). De aí que a pesares de ser a grande parte da extensión dos diarios, a xente fale da crise para gastar bromas e cousa polo estilo, como sen esperanza: 'abandoade toda esperanza os que aquí entredes', segundo unha obra (xa non lembro cal) en relación ó inferno. O dito. O 12-O, descobrimento de América e atisbos dun novo goberno mundial, unha especie de ONU económica onde hai que pedir entrada e se non estás dentro o máis probable e que segas sen estalo durante moito tempo, hermética, e ... non democrática, aínda que mantida por gobernos de países en teoría democráticos. Mentras, váse producindo máis e máis efectos da crise: este ano non hai 'SIMO', a feira de informática máis importante de españa. O motivo? non había moitos expositores improtantes debido á crise e ... non ía ser rentable.
A nivel Ribadeo algunha nova tamén vai de cartos: cúmprese a previsible dificultade do concello para cobrar as obras comezadas por conta allea para evitar estragos nas casas semiderruídas ou as multas ós construtores, mentras se denuncia que o vial ó cemiterio segue parado (parece que non lle afectou a nova ola de obras no casco urbano) ou a mala recepción da TVG na zona últimamente. Cousa esta úlñtima que é certo que xa tiña que ter sido denunciada polos galegos antes que polos asturianos, en troques de ser ó revés.
A foto, un furado na valla do porto de Mirasol ós Bloques. Despois de extender a valla e impedir o paso ó traverso do lateral sobre a ría, o furado é unha ventana que permite o paso, unha especie de ventana á esperanza de que o porto non ille / non se ille do pobo. Non é o único sitio polo que se pode pasar, pero en calquera caso, os sitios de paso son válidos só para xente cunha certa axilidade.

20081014

Novas curiosas





Conclúe o sellado do antigo vertedeiro... Coido que se clausurou no 2001 cunha nova semellante. Esperemos que sexa de vez.
Turismo promocionará A Mariña. Enésima vez, e no medio, queixas por esa promoción.
O tramo de Porto a Ribadeo é considerado de alto risco: calquera que pase por alí sábeo; non son necesarios radares, por exemplo.
Voltámonos a quedar sen śe xudicial. Non puido ser? Non foi.
Comezarase a multar na zona azul de Ribadeo. Normal, xa se foron os visitantes... e como só hai un par de obras en marcha e previsto comezar xa outras tres, pois eso.
O concello di que si que é certo que a fonte dos catro canos non está moi ben reparada. Como tanto reparacións como reformas están ocultas ata que se remata a obra, e difícil aconsellar, sexa na fonte do parque (esa que parece para mexar) ou na de indianos (a que non da ó parque homónimo, senón á rotonda que está previsto modificar) por poñer dous exemplos.
Calro que en todas partes cocen fabas, como en Lugo, que tras patinazos da Policía Local en relación coa xente, e unha volta finalizadas as festas, o alcalde di que todo moi bo e moi bonito na PL. Por certo, que o outro día, baixando na praza Maior de Lugo era curioso: moita xente sentada, pero unha nas terrazas das cafeterías, e da outra beira, nos bancos públicos e no bordillo do parque. Non era difícil distinguir entrea xente dunha beira e doutra, tanto polo tipo de traxe (todos de festa, non obstante), como pola calidade aparente ou polo uso de complementos.
En fin, supoño que hoxe me pasarán as notas de prensa para complementar algunha nova en http://prensa-ribadeo.blogspot.com/.
As fotos, tomadas todas do mesmo punto na praia dos Bloques, algas incluídas.

Unha nota de prensa

Sobre o tema da comisión para o hospital:
"
NOTA DE PRENSA CONXUNTA SOBRE A COMISIÓN DE PARTICIPACIÓN CIDADÁ EN MATERIA SANITARIA

Asinantes:
Asociación de Veciños “O Castro” de Foz
Asociación de Veciños de Forxán
Asociación de Veciños de Cangas
Asociación de Veciños “O Vencello” de Burela
Asociación de Veciños “O Tesón” de Ribadeo
Asociación de Veciños de San Cibrao

As Asociacións de Veciños “O Castro” de Foz, de Forxán, de Cangas, “O Vencello” de Burela, “O Tesón” de Ribadeo e de San Cibrao veñen de manter unha reunión urxente para valorar o acordo ó que chegaron coa Federación de Asociacións de Veciños de Lugo sobre os representantes veciñais que deben compoñer a Comisión de Participación Cidadá en materia sanitaria.

Tras unha intensa reunión mantida entre o vicepresidente de Asociación de Veciños de Forxán (en representación das seis Asociacións) e o presidente da Federación chegouse a un acordo polo que as Asociacións citadas serían as que propuxesen ós compoñentes da Comisión para que desde a Federación se elevase dita proposta á Consellería de Sanidade para o seu nomeamento.

Debido ó pouco tempo do que se dispón (o prazo máximo para que a Federación de Asociación de Veciños de Lugo presente a lista de compoñentes á Consellería de Sanidade remata este xoves 17 de outubro) as Asociacións asinantes deste comunicado decidiron repartirse os oito postos dispoñibles (catro titulares e catro suplentes) con independencia que unha vez constituída a comisión podan participar outras asociacións veciñais interesadas. Trátase dunha solución urxente coa que se busca traballar polo interese xeral e en representación de toda A Mariña. En próximas datas faranse públicos os nomes dos compoñentes da Comisión.
"
Como comentario, non me entusiasma o acordado, pero coido que é un primeiro paso.

Crisis?

'Os pobre sodes máis pobres, e punto' tomado dunha viñeta de Romeu (10/10/2008), en síntese, mentras contemplo a foto Bush-Berlusconi con cara de burla.

20081013

Arte e distribución xeográfica

Un post máis hoxe para reflexar unha información suplementaria dos códigos postais. Información que por certo está relacionada no caso de Galicia coa prestación de servizos que as estruturas estatais/autonómicas/provinciais/locais ofrecen na realidade e as prometidas, e as que funcionan.
O tema está relacionado con temas sociais, pero tamén políticos, económicos ou culturais.

Fotos da aduana




O outro lugar comentado por cultura como 'en estado inadecuado'.

Fotos da fonte dos catro canos





Conforme quedei na entrada do outro día, paso fotos indicativas do estado actual da fonte dos catro canos.

13 de outubro

O 12 de outubro, día do Pilar, adicado en España ás Forzas armadas por iso de que a virxe do Pilar é a súa patroa, ten sido durante o século pasado 'día da raza' e 'día da hispanidade'. A verdade, eso de día da raza non sei moi ben a que viña, sendo a península dende a antigüidade un crisol de pobos. Respecto ó día da hispanidade, vale con fixarse un pouco nos inmigrantes 'latinoamericanos' para dar abondo que pensar con o que é iso da hispanidade, aínda coas innegables semellanzas que deixou o trato de varios séculos. En troques, a min gústame máis algo que ano tras ano se vai deixando nun segundo lugar: o descobrimento (re-descobrimento, din os descendentes daqueles viquingos que chegaron parece ser a Groenlandia sen deixar grande impronta) de América por Cristóbal Colón, algo que cambiou a vida europea e americana para sempre. Algo do que, no primeiro momento non se tivo grande conciencia, coa idea de Cristóbal Colón de chegar ás indias, e de aí o nome dos indios, e de aí que Colombia sexa hoxe o nome dun país e non dun continente. Que un estado que propiciou unha relación tal entre dúas ramas da humanidade por aquela illadas, use o día para conmemorar outras cousas por riba daquela paréceme un esquecemento histórico e unha (unha máis) das interpretacións históricas axustadas a intereses en troques de obxectivas.
Por iso, felicidades ás Pilar aínda que sexa cun día de retraso, e lamentos para todos polo que pode significar o día 12 e non significa.

20081011

John Rutherford

O sábado 4 de outubro de 2008 ás 19:00 horas tivo lugar no Salón de Actos da Real Academia Galega o acto de recepción como académico de honra de John Rutherford, quen deu lectura ao discurso de ingreso, intitulado "O fermoso sorriso do profeta Daniel". O discurso foi contestado en nome da institución polo académico numerario don Antón Santamarina Fernández.
O discurso de ingreso coincide no tempo coa exposición 'O sorriso de Daniel", exposición do Consello da Cultura Galega, e tratou sobre o sorriso deste personaxe no Pórtico da Gloria da Catedral de Santiago de Compostela (máis, no 'El Correo Gallego').

Progresos






Hoxe a prensa trae progresos da humanidade: o premio Nobel para Martti Ahtisaari, ó tempo que Videla ingresa no cárcere. Por suposto, tamén atentados ó longo do mundo, que deixaron de ser novidade hai moito tempo, en particular por Afghanistán-Paquistán-Iraq, e a nova emerxente dende hai meses, as últimas desgrazas económicas motivadas dende a crise financieira, destacando entre estas a nivel España a maior caída das que se ten noticia da bolsa de Madrid nun día. Respecto á última, a ver, se a bolsa está insegura e o goberno garante ata 50 000€ nos bancos para beneficiar que non se queden sen liquidez, pois parece lóxico que as inversións da xente con aforros 'medios' que se podan mover o fagan con esa dirección, distribuídas nominalmente para que a protección abranga o máis aló posible.
En Ribadeo tamén progresos: repítese a 'nova' de que vivenda restaurará dúas casas para poñer pisos de alquiler a disposición de xente nova, mentras Patrimonio vai intervir para mellorar a restauración da fonte dos catro canos e tamén 'fará suxerencicas' na correspondente á balconada da Aduana vella. Haberá que sacar fotos de ambas.
E tamén progresos noutros eidos: un que sae na prensa, a reclamación dun camioneiro por un accidente contra a Deputación. Se por andar mal polas estradas poñen multas, por facer mal as estradas o lóxico é que tamén se esixa responsabilidades á administración, aínda que sexan polo momento casos atípicos tanto pola falta de concienciación como pola inclinación xudicial cara ás institucións fronte ós individuos.
E un novo blog ribadense en galego. Remacho o de en galego porque ata o momento a Atalaia tiña un blog moi activo en castelán, que se vai ver así complementado.
As fotos, tentando tamén recoller progresos ... máis ou menos. Unha, do comezo das obras de 'humanización' da Avenida de Calvo Sotelo (enténdese entre a peonil Rodríguez Murias e a costa de Conchita, polo momento, de xeito provisional, sen nome 'oficial' que eu saiba). Outras dúas corresponden a unha obra con frente a Ramón González, pero que se pode ver moito mellor dende o calexón que da a Doutor Moreda (no mesmo caso que o de Conchita), e a vista dende o fondo dese calexón cara ó mercado de abastos doado por D. Ramón González Fernández en 1925, como se pode ver na outra foto, da súa fachada leste, terminando pola fachada norte, onde se pode ver, despexadas as árbores de follas polas últimas cortas da semana, á esquera a rúa Doutor Moreda e á dereita a José Vicente Pérez Martínez (Avenida de Galicia/Avenida de Asturias).

20081010

Máis sobre a comisión sanitaria e outras cousas


O concello anunciou onte a programación cultural de outono e o novo ciclo de ximansia nas parroquias.
Ó tempo déuse o coñecer que a antiga alxinatos, no fondo da Vila vella e que hai pouco voltou a cambiar de mans para costas (dende o concello, quen a adquirira pouco antes), para facilitar a construcción do paseo ata as Aceas, pola beira da ría, aínda ten depósitos de ácido sulfúrico. Haberá que vacialos antes, despois de estar inactiva uns vinte anos. Cousas que pasan cando non se fan as cousas ben, e parece que hai que obrigar a que se fagan porque as 'autoregulacións' no mundo empresarial non funcionan, como está amosando a crise financieira de xeito ben triste.
E tamén Ribadeo vése afectada pola nota das asociacións de O Tesón (Ribadeo), O Castro (Foz), Forxán (Foz), Cangas (Foz), O Vencello (Burela) e Cruz da Venta (San Cibrao), sobre o tema sanitario. O comunicado, en resumo:
"As Asociacións de Veciños ... mostran o seu desacordo coas manifestacións realizadas polo Delegado Provincial de Sanidade de Lugo en canto á composición da Comisión de Participación Cidadá para a área sanitaria Cervo-Burela. Estas Asociacións non entenden por que o Delegado Provincial insiste na necesidade de estar integrados nunha Federación Provincial para formar parte de dita Comisión, xa que examinada a normativa que a rexe en ningún momento figura como requisito indispensable, tan só se esixe que os representantes veciñais correspondan a asociacións con ámbito de actuación na área sanitaria, o cal nin sequera se está cumprindo nestes momentos"
A parte legal pódese ver na Lei 7/2003 de 9/12, de Ordenación Sanitaria de Galicia, Título VII, Capítulo III. E aquí pode comprobarse que a aplicación mal feita do tema está por toda Galicia.
A foto, onte, a praza do mercado na súa parte norte chea de ramas cortadas coa follaxe.

20081009

As desgrazas nunca veñen soas


É unha frase feita que aproveito para a situación da zona na actualidade. O mesmo día que o enésimo cataclismo financieiro non só se abate sobre nós como parte do mundo senón que se nos comunica que o imos ter que pagar entre todos tamén en España para que non afecte tanto á xente que se estivo levando os cartos ata agora, que nos enteramos de que podemos ter todos os cartos que queramos no banco, que pagaremos entre todos para que quenes teñen máis teñan máis seguridade de que seguirán a ter, ese mesmo día enterámonos de que a enfermidade da lingua azul xa está tamén na zona facendo baixas abondas entre a cabana pecuaria, pasando de ser unha posibilidade con algún caso por medio a ter 'carta de natureza' cmo enfermidade pecuaria mariñá. é certo que a lingua azul non afecta ás persoas (iso din), pero tamén é certo que aínda que non se teñan accións na bolsa nin grandes depósitos no banco vai afectar a toda a sociedade...
Mentras, parece que vai a estar algo máis saneada a ría de Ribadeo (... no periódico seguen a poñer como intercambiable 'ría de Ribadeo' e 'río Eo', entre outras opcións ...) ó aprobar por fin o Principado o impulso do proxecto correspondente. O certo é que tamén en Ribadeo hai zonas nas que hai verquido directo de residuos ós ríos e á ría: o saneamento parroquial aínda está nos seus comezos e non é doado de solventar.
A imaxe, esta si, da ría de Ribadeo, coas figueiras e un pouco do recheo dos 90 en primeiro termo.

20081008

O activismo serve para algo: demostrado

Un pouco en relación co artigo anterior ('Wifi no rural'), deixo unha ligazón para amosar que o activismo serve para algo. En concreto, para tender a que xurda o que se reivindica. Parece unha perogrullada, pero non é, pois unha boa parte (se non é a ampla maioría) das reivindicacións do pobo (ou sexa, a 'xente da rúa', ...) parece non levar a ningún sitio e perderse no tempo, á vez que significar un perder o tempo. Pois non. Non nos facía falta a algúns a demostración, despois de saber que mesmo a auga remata levándose a pedra por diante, parindoa, pulíndoa, ..., pero sempre é agradable e da ánimos ver que estudos con moitos datos avalan a idea que un ten.
Como conclusión, lembrar que as ideas que benefician a todos son para defender entre todos, pero que aínda que a maioría non se preocupe/se desentenda do tema, a súa defensa logra cousas.

Wifi no rural



Bo, wifi... en xeral,internet. Xa no pobo funciona como funciona (alomenos nesta zona), con velocidades abondo menores das prometidas e colos de botella xa non só polas mañás, cando era abondo típico (iso si, os da mañá incrementáronse), para canto máis no rural, onde os aparellos sinxelamente parece moitas veces que non funcionan. Coido que sería doado facelos funcionar (a comezos de século vino claro cunha exposición técnica de Mariano Grueiro, algo que aínda non se fixo realidade hoxe no rural galego e que é evidente que non costaría tanto e valería moito), e que mesmo podería facelo o concello por deixación de prestación de servizo das operadoras. Non embargantes, 'as operadoras' seguen a facer e desfacer leis ó seu antollo para que non lles digan nada, o mesmo que pasa co tema de Barras, que leva unha tempada abondo calmada cos cortes pero que, na época de incidencia forte comunicou que estaba moi por riba dos estándares que tiña que cumprir... despois de peticións dunha chea de asociacións. O escrito, por certo, que parecía redactado para que non se lles molestara máis.
As fotos, do final da ría de Ribadeo, a illa na ría de Abres.